Page Title
This is a Paragraph. Click on "Edit Text" or double click on the text box to start editing the content and make sure to add any relevant details or information that you want to share with your visitors.
Jeug
Jeug / Katkisasie
Met die toename van mense wat hulle in die Wes-Kaap en veral in die Tuinroete vestig, het die samestelling van die Gereformeerde Kerk Mosselbaai sedert 2019 ’n merkbare groei in die aantal jeug en jongmense beleef.
Die bediening aan die jeug word met erns aangepak. Leraars, toegewyde gemeentelede, jong werkendes en die ouers van ons dooplidmate werk saam om die jeug op ’n verantwoordelike en skrifgetroue wyse te begelei en by die gemeentelike lewe te betrek.
Ons is ook dankbaar vir die besondere omgewing waarin ons woon. Die son, see, sand, riviere en woude van die Tuinroete bied geleenthede vir stranddae, kampe en verskeie ander aktiwiteite waarin die jeug saam kan deel.
In alles bly die doel egter dieselfde: om die jeug geestelik te begelei, saam met hulle ’n pad te stap in die geloof, en hulle toe te rus vir die volgende fases van hul lewe tot eer van die Here.
Die jeug van die Mosselbaai se gemeente van die Gereformeerde Kerk het een keer per kwartaal 'n gesellige saamkuier geleentheid. Jong dooplidmate van voorskool tot hoërskool en ook jong naskoolse beleidende lidmate kom bymekaar, op die stand of langs die rivier. Ons speel, kuier en eet gesellig saam.
Een keer per jaar verkoop die hoërskoolkinders pannekoek of hamburgers om fondse in te samel vir hul jeugkamp.
Vroeg in die vierde kwartaal hou ons 'n naweekkamp vir al die hoërskool kinders, waar jong beleidende lidmate as kampleiers optee en 'n veilige omgweing skep om moeilike temas te bespreek en ruimte te skep vir geesetelike groei.
